Around the Diocese

JUBILEI YA MASISTA WA IHSA - 08/12/2018

Askofu wa Jimbo Katoliki la Musoma MichaeL Msonganzila amewakumbusha masista kuwa watu wa sala, ili kujiweka karibu na Mwenyezi Mungu,lakini pia kumueleza matatizo yao, kwa kuwa Mungu anajibu papo kwa papo.
Askofu Msonganzila ameyasema hayo Desemba 8 mwaka huu wakati wa Misa Takatifu ya kuweka nadhili za kwanza,nadhili za daima na jubilei ya miaka 25 na 50 kwa masista wa shirika la Moyo safi wa Maria Afrika,iliyofanyika katika Kanisa la Novisiati lilopo Makoko,Jimboni Humo.
“Msiache kumbipu Mungu kupitia sala,yeye yupo kila sehemu ukimbipu tu anajipu wakati huo huo au anaweza kuchewa kidogo kukujibu ,usikate tamaa , hayo ndio maisha ya utawa,ya kuomba kila wakati na sio kusubiri mara moja kwa wiki tu” amesema Msonganzila.

Kwa upande wake Mama Mkuu wa shirika hilo Sista Maria Lucy Magumba amewashukuru Masista hao kwa kuamua kumutumikia Mungu katika maisha yao yote licha ya changamoto mbalimbali walizokumbana nazo katika maisha ya utawa,na hata wale walioweka nadhili za kwanza kwa kuamua kumtumikia Mungu ,katika maisha yao.

Pichani ni Masisita wa nadhili za daimaPichani ni Masisita wa nadhili za daima

Sista Maria Magumba aliwaomba pia wazazi na walezi kuendelea kuwaombea na kuwasaidia watoto wao ili waendelee kuimarika katika wito wao na kufanya kazi ya mwenyezi Mungu kwa upendo,na hatimaye kukamilisha kazi ya Mungu waliyoahidi kuifanya.

Na Paschal Soko Tarime.

KUTABARUKU KANISA PAROKIA YA TARIME - 24/11/2018

Askofu wa Kanisa Katoliki Jimbo la Musoma Michael Msonganzila amesema kuwa hakuna sababu ya wananchi wa wilaya ya Tarime kuwa na kanda maalum ya mkoa wa Kipolisi ya Tarime/Rorya,bali wananchi hao wanapaswa kuishi maisha ya kupendana,kuheshimiana na kuwa na umoja.
Askofu Msonganzila ameyasema wakati wa Misa Takatifu ya kutabaruku Kanisa, iliyofanyika katika Parokia ya Tarime jimboni humo na kupewa hadhi ya Kanisa dogo la Kiaskofu ndani ya udekano wa Tarime, kanisa hilo la kihistoria limejengwa ndani ya mwaka mmoja kwa zaidi ya shilingi Milioni mia saba na lina uwezo wa kuchukua waamini wasiopungua elfu moja na mia tano kwa wakati mmoja.
“hatuna sababu ya kuwa na kanda maalum ya kipolisi ya Tarime/Rorya ni kwa sababu ya ugumu wa mioyo yetu ya kutotaka kuheshimiana na kuonyeshana upendo neno la Mungu ni silaha tosha yakupambana na maovu ya kiroho na kimwili, pia huleta upendo, umoja na mshikamano baina ya mtu na mtu. na endapo neno la Mungu lingetumika ipasavyo kwa watu wake , kusingelikuwa na maovu duniani na watu wangeishi kwa upendo, mshikamano na amani nawaombeni sana, watumishi wa Mungu tufanye neno la Mungu kuwa nguzo pekee ya amani”Alisema Askofu Msonganzila.
Paroko wa Parokia ya Tarime Padri Lucas Chacha amesema kuwa wanaamini wanahitaji kusameheana, kutokuwekeana vikwazo vyovyote iwe kisiasa,kidini na kijamii, kupendana na kuwa na umoja ili kumtangaza Kristu.

BALOZI APONGEZA KANISA KWA KUPAMBANA NA MILA POTOFU

Balozi wa Baba Mtakatifu nchini na Askofu Mkuu Marek Solczynski amelishukuru Kanisa katoliki kwa kuendelea kutoa elimu juu ya madhara ya mila potofu ,hasa ukeketaji wa watoto wa kike, ndoa za utotoni na ndoa za mitaala.
Akizungunza na kiongozi mara baada ya kuhitimisha ziara yake ya kichungaji ya siku 8 ndani ya Jimbo la Musoma balozi huyo alisema kuwa, kuna baadhi ya udekano alizotembelea na amekutana na changamoto kubwa ,ya kupewa taarifa ya kuwepo kwa vitendo vya ukeketaji wa watoto wa kike,ndoa za utotoni na ndoa za mitaala ambazo zimekuwa changamoto kubwa kwa wakristo walio wengi haya kushindwa kupata sakramenti takatifu ya ndoa kutokana na wake wengi.
"Nimefika nimeona Mimi mwenyewe kwa macho yangu ,nimesikia kutoka katika taarifa zilizowasilishwa kwangu na mapadri wa udekano wa Tarime,Rorya na Serengeti ,awali nilikuwa nasoma kwenye vyombo vya habari ila nimewaona na waamini wetu hivyo,ninalishukuru kanisa kwa kuendelea kupambana na changamoto na Mungu atawasaidia na sisi tunazidi kuwaombea" alisema Balozi huyo.
Askofu wa Jimbo la Musoma Michael Msonganzila ,alisema wanamshukuru sana Balozi na Askofu mkuu kwa kuja kutembea na kuonana na waaamini wa Jimbo la Musoma ,sambamba na kujionea changamoto ambazo wanakumbana nazo katika uinjilishaji.
Mkuu wa udekano wa Serengeti ambapo ndipo alipohitimishia ziara yake ya kichungaji na kupata fursa ya kutembelea hifadhi ya wanyama ya Serengeti na kubariki hoteli na waaamini wanaoishi ndani ya hifadhi,Padri Medard Chegere alisema kuwa ujio wa Balozi huyo umewaimarisha zaidi waamini kiroho, kwani viongozi hao wanapofika katika maeneo yao ya kichungaji wanawasaidia kuinuka kiima zaidi.
Padri Chegere alisema wanachotakiwa waamini ni kuishi kwa kufuata mafundisho ya kristo,na ubatizo hivyo kufuata msingi ya imani kutokana na mafundisho ya ubatizo. Veronica Modest.

KANISA LILILOJENGWA KWA MIAKA 20 LATABARUKIWA

Waamini wa Parokia ya Shirati Jimboni Musoma wamepongezwa kwa kukua kiimani,na ushirikiana kwa pamoja katika kujitolea kufanya kazi ya Mungu ya ujenzi wa Kanisa uliodumu kwa muda wa miaka 20 bila kukata tamaa.
Pongezi hizo zimetolewa na Askofu wa Jimbo Katoliki la Musoma Michael wakati wa kutabaruku Kanisa hilo lililoanza ujenzi wake tangu mwaka 1998 na hatimaye kutabarukiwa hivi karibuni,huku akitangaza kuwa kituo cha hija kwa ajili ya watu wa udekano wa Rorya.
“naomba niwapongeze kwa moyo wenu wa uvumilivu wa kujitolea pasipo kuchoka,kwani tangu kanisa hili lianze ujenzi wake limechukua muda mrefu sana hadi leo hii kutabarukiwa rasmi,miaka 20 sio mchezo ni umri kabisa wa mtu mzima ,na ninyi hamkurudi nyuma mmejitahidi hadi limeisha kwa mwendo huohuo wa taratibu”amesema Askofu Msonganzila.
Amewaomba pia kutumia kanisa hilo ambacho ni kituo cha hija kufika mahali hapo mara kwa mara kwa ajili ya kusali,na kumueleza Mungu mahitaji yao,lakini pia kuomba huruma ya Mungu ,ili kuendelea kuimarika zaidi kiimani.
Paroko wa Parokia ya Shirati padri Konrad Caputa amesema kuwa anamshukuru Mungu kwa kwa hatua nzuri iliyofikiwa ya ujenzi wa kanisa hilo,pia anamshukuru Mhashamu Baba Askofu kwa kukubali kutabaruku kanisa hilo ambalo nila kihistoria, kutokana na kujengwa kwa muda mrefu.
Padri Caputa amesema kanisa hilo litaendelea kuw msaada mkubwa kwa kuwasaidia waamini wa Parokia hiyo ,kujijenga zaidi kiroho na kimwili,kwani awali walikuwa na kanisa dogo ambalo lilikuwa halikidhi mahitaji ya waamini hasa wanapokuwa wanahitaji kusali pamoja kwa wakati mmoja.

Veronica Modest.

PADRI JAMES CONARD AWATUMIKIA WAAMINI KWA MIAKA 40

Waamini wa Parokia ya kowak Jimboni Musoma wameombwa kusomesha watoto wao hususani wa kike ,ili waweze kujikwamua kimaisha kupitia elimu na sio kuacha watoto waolewe bila kuwa na msingi mzuri wa maisha.
Kauli hiyo imetolewa na padri James A.Conard ,wakati wa Misa Takatifu ya kumushukuru Mungu kwa kumjalia kukaa katika Parokia kwa muda wa miaka 40 tangu 1978 hadi 2018 ,lakini pia kuwaaga rasmi waamini wa Parokia hiyo kwa ajili ya kurudi nyumbani kwao nchini Marekani.
"Naomba sana msingi wa elimu niliouacha kuhusu elimu kwa watoto wa kike muuendeleze,wazazi zingatieni hilo ,hakikisheni mnakagua madaftari yao kila Mara wanapotoka shuleni,ili muendelee kupata madaktari wazuri,waalimu ,viongozi mbalimbali wanaotoka katika maeneo yenu,na sio kusubiri watu wengine waje kuwafundishia watoto wenu wakati ninyi mnawaozesha kabla ya wakati" amesema Padri Conard.
Akizungumza kwa niaba ya Mhashamu Baba Askofu wa Jimbo Katoliki la Musoma,Katibu wa Askofu Padri Cleophas Sabure amesema kuwa,wanamshukuru sana kwa majitoleo yake, na kuwa na moyo wa uvumilivu ndani ya miaka 40 ,kwani amesaidia sana katika kuanzisha taasisi mbalimbali kama vile elimu,afya,miundombinu ,ujenzi wa Makanisa katika udekano wa Rorya ,vigango ,uchimbaji wa visima,pamoja na mambo mengine mengi.
Padri Sabure amesema alama aliyoiacha itakumbukwa daima kutokana na utume wake,ndani ya Jimbo hilo,lakini pia kwa kushirikiana na shirika lake la Maryknoll fathers ambalo lilimruhusu yeye kuja kufanya utume wake nchini Tanzania hususani Jimboni Musoma na watayaendeleza yale yote aliyoyaacha ,sambamba na kuendelea kumuombea kwa Mwenyezi Mungu ili aendelee kumjalia afya njema huko aendako.
Paroko wa Parokia hiyo na Naibu Askofu wa Jimbo la Musoma Padri Julius Ogola amesema moyo wa utume aliouonyesha Padri Conard wa kukaa sehemu moja kwa muda wote huo unapaswa kuwa mfano wa kuigwa,kwa ni utume uliotukuka kukaa sehemu ukiwa kijana hadi ukazeeka ukiwa sehemu moja kwa muda wa miaka hiyo.
Akisoma risala kwa niaba ya waamini wa Parokia hiyo kateksta Faustine Wambori amesema kwa namna walivyoshirikiana na padri Conard katika kuwajenga kiimani,kiafya,kielimu na hata katika huduma mbalimbali za kijamii ,hawana cha kumlipa zaidi ya kumuombe kwa Mungu ili awe na maisha marefu.

Veronica Modest.

ASKOFU MSONGANZILA AWAKUMBUSHA WAKRISTO KUOMBA KILA MARA

Askofu wa Jimbo Katoliki la Musoma Michael Msonganzila amewakumbusha wakristo wote nchini kuwa watu wa kuomba kila mara ,kutokana na maisha ya mwanadamu kuwa , kifo ni sehemu ya kuwakumbusha waamini kuomba kabla ya kuombewa .
Askofu Msonganzila ameyasema hayo Januari 7,mwaka huu katika Kanisa la Novisiati lililopo Makoko ,wakati wa Misa ya mazishi ya Sista Maria Rita Matiku aliyefariki dunia Januai 3 mwaka huu,majira ya saa tatu na dakika ishirini(3:20) usiku ,kwa ugonjwa wa mishipa yake ya fahamu kushindwa kufanyakazi ,hali iliyoathiri uwezo wake wa kuongea na kumeza(Vocar – cords).
“Mama Rita amezaliwa 1945 na amefanya mengi sana ambayo yamebaki kuwa alama kwetu,alihimiza maendeleo ya Kiroho na Kimwili,amekuwa kiongozi kwa vipindi vitatu katika shirika,amesaidia kupatikana kwa eneo la shamba la Kitenga na sasa Immaculate Heart shule ya sekondari,Ujenzi wa makao Mkuu ya shirika-Nyarigamba Generalate ujenzi wa kanisa la Novisiati na ujenzi wa nyumba ya Emaus kwa ajili ya mikusanyiko ya Masisita”amesema Askofu Msonganzila.
Amezitaka baadhi tu ya karama alizokuwa nazo kuwa ni pamoja na kuwa na msimamo usio yumbishwa,alitenda alichokiamini kuwa sahihi na kumtegemea Mungu,kiongozi shupavu na shujaa aliweza kuwasilisha maoni yake kwa watu wa tabaka zote,alikuwa na hekima alitoa ushauri kwa aliyepokea na hata kwa yule asiyepokea,akiamini kuwa ushauri utamfaa,alikuwa mtu wa sala ,alimpenda sana YESU wa Ekaristi,alimwabudu kwa ujaji,alihimiza sala kwa msisitizo na alipenda haki na kuheshimiana.
Amesema kuwa Marehemu Sr Rita alianza kusumbuliwa na maumivu ya jicho lakini alitibiwa kwa kufanyiwa upasuaji huko Minnesota nchini Marekana na kupona,baadae 2015 iligundulika kuwa mishipa yake ya fahamu ilianza kushindwa kufanyakazi na iliathiri uwezo wa kuongea na kumeza(Vocar Cords),kuanzia 20/12/2018 hali yake ilizidi kuwa mbaya ambapo alipewa upako wa wagonjwa 21/12/2018 na mnamo 03/1/2019 saa tatu na dakika ishirini (3:20)usiku ,kwa utulivu Mungu Mwenye Huruma alimuita kwake mpendwa Mama Rita Matiku.
Akitoa salamu za rambirambi Askofu wa Jimbo Katoliki la Geita Flavian Kasala ambaye ndiye aliyeeongoza misa ya mazishi ya sista huyo amesema kuwa wao wameguswa sana na msiba huyo kwani marehemu sista Maria Rita Matiku ndiye aliyeanzisha utawa wa shirika la Immaculate Heart of Sister kule Jimboni Geita,hivyo wameondokewa na mpendwa wao.
RAHA YA MILELE UMPE EE BWANA NA MWANGA WA MILELE UMWANGAZIE SR MARIA RITA MATIKU ,APUMZIKE KWA AMANI.AMINA

Askofu Msonganzila asema walei ni nguzo ya Kanisa - 03/04/2019

Askofu wa Jimbo katoliki la Musoma Michael Msonganzila amesema kanisa haliwezi kuwa kanisa kama halina utume wa walei ambao ni wa lazima.

Askofu Msonganzila ameyasema hayo Aprili 3 mwaka huu wakati wa uzinduzi wa maadhimiaho ya semina ya viongozi walei katika Jubilei ya miaka 50 ya halmashauri ya walei nchini Tanzania.

Sehemu kubwa ya uinjilishaji ni wa walei kwani walei ni kundi kubwa sana kuliko la wakilelo na tuwaite ni walei kuwa ni sehemu ya mwili wa kristo kwamba wanaalikwa daima kuonyesha uhai na utume wao katika kuinjilisha neno la Mungu.

"Ninyi walei mkishindwa kutenda kazi zanu ipanswavyo kwa ajili ya kuutunza mwili wa kristo basi uwepo wenu hauna faida ndani ya kanisa na jamii,Hivyo muendelee kuungana ili kuonyesha faida ya uwepo wenu ndani ya hekalu la Mungu " amesema

Pia amewaasa wajione kuwa wao ni kiungo katika kanisa maana jimbo bila walei ni sawa na mwili mzima kuugua kiungo kimoja ambacho kinapotesekateseka, adhali zake ni za mwili mzima hivyo ni muhimu sana katika uwepo wenu lakini pia kiidadi na kwa kutumia kikarama ambazo mwenyezi Mungu amewajaalia.

Walei msipojikazania ninyi wenyewe au kuwakazania ,kanisa linaangamia maana mtabakia kulauminiana na mapadri kwa sababu kila mmoja ameshindwa kutimiza wajibu wake katika kusimamia shughuli mbalimbali za kanisa.

Chimbuko la nafasi ya mlei kuitwa ni kiungo katika mwili wa kiristo ni sakaramenti ya ubatizo ambayo inatufanya sisi zote tuwe washiriki maalum katika kirsto kama kuhani,nabii na mfalme anaye chunga watu wake,hivyo unapobatizwa unashirikishwa katika hizo kazi.

"Unapobatiza wewe unatengenezwa kuwa raia katika kanisa katoliki ili uwe na uwezo wakupokea haki zako katika kanisa na nguvu ya kutwaa majukumu ndani ya kanisa na wajibu wako kisheria.

Aidha amesema kuwa kuna haki za jumla ambazo ni wajibu wa mlei katika kanisa ambapo walei wote wanaagizwa na Mungu kwa njia ya upatizo na kipaimara kufanyakazi kama watu binafsi au ujumla au makundi ili wokovu wa kristo ujulikane na kupokelewa na mwanadam duniani,kuutakatifuza ulimwengu,walei walioko katika sakramenti ya ndoa wanapaswa kusimama imara a kuwa mstali wa mbele katika kutimiza wajibu wao ndani ya kanisa.

Makamu Mwenyekiti wa halmashuri ya walei jimbo la Musoma Alex Kisurura amesema wanamkushuru baba Askofu kwa kuja kuwafungulia semina yao na wao viongozi wa walei wataendelea kushirikiana pamoja ili kujenga kanisa la Mungu.

Katibu wa Halmashauri ya walei Jimbo la Musoma Richard Gitenyi amesema lengo la kukutanisha viongozi wa walei kutoka jimbo zima ni kutaka kuwakumbusha umuhimu wa walei katika kanisa na wajibu wao katika kumtumikia Mungu.

Kwa upande wake Mkurugenzi wa idara ya kichungaji Jimbo padri Alfred Kwene amesema kama kanisa wataendelea kuwaelimisha walei namna ya kushiriki masuala mbalkmbali katika kanisa kwani ni jukumu lao katika kutumikia kanisa na chachu ya maendeleo ya kanisa na jimbo kwa ujumla.

Walei onyesheni ukomavu miaka 50 ya Halmashauri ya walei nchini Tanzania-Askofu Msonganzila

WALEI ONYESHENI UKOMAVU MIAKA 50 YA JUBILEI-ASK MSONGANZILA

Askofu wa Jimbo katoliki la Musoma Michael Msonganzila amesema walei hawana sababu ya kuwa waoga wa kufichua vitendo vya uharifu ,vinavyotokea katika jamii ikiwemo rushwa na mambo mengine mengi,kutokana na wao kuwa kundi kubwa katika kanisa.

Askofu Msonganzila ameyasema hayo Aprili 4 mwaka huu, wakati wa Misa Takatifu ya uzinduzi wa maadhimisho ya jubilei ya miaka 50 ya halmashauri ya walei nchini Tanzania, iliyofanyika katika kanisa kuu la Bikra Maria mama wa Mungu Manispaa ya Musoma Mkoani Mara.

"Hatuna sababu ya kusubiri Rais Magufuri na taasisi zingine za kupambana na rushwa ndio ziibue vitendo vya ufisadi na rushwa ,miaka 50 ya jubilei ya walei inatosha kabisa kuonyesha ukomavu wetu katika kukemea na kufichua vitendo vyote nyevye harufu ya uchafu katika jamii na hata vinavyoashiria uvunjivu wa Amani"alisema Askofu Msonganzila.

Alisema ingawa Kanisa haina mahakama lakini linahubiri kudumisha upendo na mshikamani ndani ya jamii , ni wajibu wa kila mlei kuacha kutoa na kupokea rushwa,na hata kufanya vitendo vya ukatili kwani unapobainika umefanya hivyo, inakusababishia kupoteza kazi na kufukuzwa lakini pia kupoteza haki zao za msingi.

Askofu Msonganzila amesema idadi ya walei ni kubwa sana katika jamii ,hivyo matukio mbalimbali yanayotokea katika jamii yanapaswa kuibuliwa haraka na walei na kutoa taarifa katika ofisi husika na sio kusema taasisi husika ndizo zishughulikie peke yake masuala hayo.

Amewaomba walei ndani ya kanisa kusimama imara hasa kwa kuhakikisha wanajifunza na kusoma vyaraka mbalimbali zinazohusu masuala ya kanisa ikiwemo mtaguso wa Vatikan, katekesi ya walei ambayo inazungumzia masuala mengi ya walei hasa haki na wajibu wa mlei katika kanisa.

Makamu Mwenyekiti wa Halmashauri ya walei Jimbo la Musoma Alex Kisurura alisema walei watatumia kipindi hiki cha jubilei ya miaka 50 ya halmashauri ya walei nchini Tanzania kutambua na kukumbushana wanachopaswa kufanya ili ili kutimiza majukumu yao ndani ya kanisa na kujiletea maendeleo kupitia vyama mbalimbali vya kitume.

VIJANA TUMIENI WAZEE KUPATA MAARIFA.ASKOFU MSONGANZILA

VIJANA TUMIENI WAZEE KUPATA MAARIFA 14 /4/2019

Askofu wa Jimbo Katoliki la Musoma Michael Msonganzila amewataka vijana kuheshimu wazee kiumri na hata kimadaraka ili waweze kupata kujifunza mambo mengi yenye hekima na busara kutoka kwao,na hivyo kuwa wazee bora wa baadae katika familia zao.

Askofu Msonganzila ameyasema hayo wakati wa Misa Takatifu ya Jumapili ya matawi ambayo kikanisa inajulikana kama jumapili ya vijana, iliyofanyika katika Kanisa kuu Jimboni humo,na kuhudhuliwa na vijana kutoka katika kila parokia.

“wasikilizeni wazee ,mnaweza kuwa na papala kulingana na damu zenu kuchemka ,lakini tusiwadharau ,tuwape nafasi wanalao jambo la busara la kutusaidia sisi ,na hata ninyi mnakoelekea ni kwenye uzee wa madaraka na umri ,hivyo tuwatumie katika kupata mang’amuzi ya mambo mbalimbali kwa kuwa wameona mengi”amesema Askofu Msonganzila.

Askofu huyo amewataka vijana kujiepusha na maandamano yenye viashiria vya uvunjivu wa Amani huku akiwaasa kufanya maandamano ya kumtukuza Kristo, kwani matawi waliyoyabeba yawe ishara ya kuteseka na Kristo na kisha kufufuka naye.

Amewatakumbusha pia kuwa wavumilivu katika maisha kama ambavyo Yesu Kristo alivumilia mateso yote pale msalabani japokuwa alikuwa anafahamu kuwa anakwenda kufa na wala hakukimbia ,kama ambavyo vijana wengi wakikumbana na changamoto za maisha wanakimbia sehemu zingine kutafuta maisha .

“kokote unakoenda hakikisha unapeprusha bendera ya Yesu ,bebeni Sura yake iwe kimaongezi ,kimahusiano na hata katika kutetea na kuliendeleza kanisa ,kwani kanisa linawekeza sana kwenu vijana,kwa sababu ndio nguvu kazi imara ya umisionari ,msijiamini sana jifunzeni kuwa wapole ,kwa kuheshimu siri na zawadi ya uhai kwani wengi tunatuhumiwa sana kwa kutodhamini dhamani ya uhai,msikatishe maisha ya mtu mwachieni Mungu”ameongeza.

Aidha amewaasa kuhakikisha wanapojenga nyumba zao za kuishi wanakuwa na chumba maalum kwa ajili ya kusali na familia zao,ili kujenga familia inayomtukuza Mungu kila wakati ,pasipo kusubiri hadi waje kumtukuza Mungu Kanisani,kwa kuwa sala ndio msingi wa familia bora katika jamii.

Amewataka pia kuhakikisha wanajiepusha na aina mbalimbali za fujo ili waweze kujitenga na kupata nafasi ya kutosha kusali na kuzungumza na Mungu katika kuwasaidia kupambana na changamoto za kidunia.

WAAMINI BEBENI SURA YA KRISTO IWE MIOYONI MWENU-ASK MSONGANZILA

Askofu wa Jimbo Katoliki la Musoma Michael Msonganzila amesema migogoro ya mara kwa mara,wizi na kiburi ni kutokana na waamini kujisahau kuwa wameumbwa kwa mfano wa Sura ya Mungu na hivyo kufanya vitu visivyoendana na tabia za Mungu. Askofu Msonganzila ameyasema hayo wakati wa ziara yake ya kichungaji katika Parokia ya Kigera ambapo alitembelea kigango cha Buruma na kubariki Kanisa jipya na kufungua jiwe la msingi,akiwa katika kigango cha Bisumwa alibariki msingi wa Kanisa kubwa lenye uwezo wa kuchukua waamini zaidi ya 1500 kwa wakati mmoja na kutoa sakaramenti ya kipaimara kwa waamini zaidi ya 390 katika Parokia hiyo.

“wizi unatoka wapi ,kutokuwajibika mahali pa kazi kunatoka wapi,nataka moyo unaokujika moyo wa unyenyekevu,unaobondeka na kukunjwa kwa neno la Mungu ,dunia yetu tunaifahamu ilivyo kwa sasa watu tumejaa kiburi,hakuna nidhamu kwa wazazi,hakuna utii kati yenu ninyi wenyewe,hii sura ya Mungu tunaipeleka wapi kwa nini mapigano kila mara, katika familia hakuna utulivu na watoto wanajifunza nini kutoka kwenu wazazi,hata majirani hatukai nao kwa amani ,tuheshimu sura hiyo.”amesema Askofu Msonganzila.

Amewataka vijana waliopata sakramenti ya Kipaimara kuhakikisha wanakuwa waalimu na wahusika wa kusikiliza na kushikiria neno la Mungu kikamilifu kwa matendo na majitoleo katika kufanya kazi ya Mungu , na kutokuruhusu kupotoshwa imani yao ya Kanisa Katoliki,kwani vijana wengi wamekuwa wakipotoka kwa kuhamia makanisa mengine na kuacha imani yao waliyobatizwa na kupokea sakramenti zote za awali.

Amewapongeza waamini wa Parokia hiyo kwa kuhakikisha kazi ya Mungu inasonga mbele mbali ya changamoto mbalimbali za maisha wanazokumbana nazo,ikiwa ni pamoja na kuhakikisha maeneo yote ya Kanisa wanatunza kumbukumbu vizuri kwa ajili ya faida yao na kizazi kijacho ,ili kuondoa migogoro ya ardhi ambayo inaweza kuibuka hapo baade.

Paroko wa Paroki hiyo Padri Robert Luvakubandi amesema ziara ya Mhashamu Baba Askofu wa Jimbo la Musoma katika Parokia yake itasaidia sana kuimarisha waamini kiroho na hata kuwaongezea nguvu ya imani wale ambao walikuwa wanataka kulegea na kurudi yuma kiimani.

Paroko huyo aliwapongeza waamini wa kigango cha Buruma,Bisumwa na Parokia ya Kigera kwa ushirikiano wao mzuri wanaounyesha katika kukua kiimani, hasa katika ushiriki wao wa ujenzi wa makanisa unaoendelea katika maeneo yao kwa kuwa wamejitoa kwa hali na mali katika kutoa michango yao ya kifedha na nguvu kazi.

AKINA MAMA TETEENI UHAI WA MWANADAMU-ASK MSONGANZILA

Askofu wa Jimbo katoliki la Musoma Michael Msonganzila amesema mwanadamu hana mamlaka ya kukatisha uhai wa mwanadamu kwa njia yoyote ile, kwa kuwa zawadi ya uhai inatoka kwa Mungu, hivyo kukatisha uhai kwa kutoa mimba ni kufanya ukatili mkubwa.

Askofu Msonganzila ameyasema hayo Juni 2 mwaka huu wakati wa Misa Takatifu ya kongamano la siku mbili la akina mama kanda ya Mwanza waliokutana Jimboni Musoma, Misa hiyo ilifanyika katika kanisa kuu la Bikra Maria Mama wa Mungu lililopo Jimboni humo mjini Musoma, na kufuatiwa na sekina kwa akina mama hao nakisha kuelekea Butiama ambapo wlisali Misa Takatifu na kutembelea kaburi la hayati mwalimu Julius Kambarage Nyerere mwitongo.

"Ninyi akina mama ni makateksta wa kwanza, na mafundisho yenu yamekuwa msaada mkubwa katika malezi na makuzi ya watoto na ndio maana maadili ya watoto yanapoporomoka mtu wa kwanza kulaumiwa ni mama,endeleeni kumtukuza Mungu kwa ushirikiano na upendo kubwa mliopewa na Mungu baba ili muweze kunusuru janga hili la utoaji mimba ambalo linakatisha uhai na ni kinyume kabisa na mpango wa Mungu.

Amewashukuru sana akinamama kanda ya Mwanza kwa kuamua kukutana na akinamama wa Jimboni humo na kufanya utume wao pamoja huku akisema kuwa hiyo ni ishara ya ukomavu wa kiimani na ni upendo mkubwa sana lakini pia mkusanyiko wao kama walei utasaidia kujadili nini kifanyike ili kunusuru hali ya ukatili wa kukatisha uhai wa mwanadamu.

Mama Sara Kessy mlezi wa Wawata kanda ya ziwa,Katibu mkuu msaidizi Taifa , mwenyekiti wa wawata Jimbo la Arusha na Mwezeshaji wa semina hiyo amesema ni kweli kabisa hali ya dunia kwa sasa sio nzuri hivyo , akinamama wanapaswa kukaa na kujadili pamoja nini kifanyike ili kunusuru hali hiyo kwani wameanza kuelewa wajibu na nafasi yao ndani ya kanisa.

Amewaomba akina mama wote ambao bado hawajajiunga na utume huo wafajitahidi kuungana na wananwake wengine ili kumtukuza Mungu na kionyesha vipaji mbalimbali ulivyojaliwa na Mwenyezi Mungu.

Mwenyekiti wa wawata Jimbo la Musoma Restituta Malima amewaomba wanawake hao kuendelea na moyo huohuo wa upendo wa kuzunguka katika majimbo ya kanda ya mwanza na kukutana na akina mama na kujionea namna wanavyofanya uinjilishaji wao kupitia utume huo.

Veronica Modest.

Wakeketeni watoto kiimani siyo kimwili-Paroko Sirari

PAROKO wa Parokia ya Sirari katika Jimbo Katoliki la Musoma, Padri Erenest Kamugisha amesema umefika wakati sasa jamii ikawakeketa watoto na vijana kiimani ili wawe waamini na raia wema, badala ya kuwakeketa kimwili hali inayowapa mateso.

Kwa msingi huo amesema, mabadailiko ya waamini kuachana na sherehe zinazohusu ukeketaji na kuhamia katika sherehe za kikanisa kama Ubatizo, yatasaidia kuondoa uhalifu na ukatili kama mauaji katikajamii na kuwaongezea uhusiano na Mungu.
Aidha, amewasisitiza Wakristo kuacha vitu na mambo ya anasa kwa kuwa yanawafanya watu kumchukiza Mungu kwa mambo mbalimbali ya hatari kimwili na kiroho kama mauaji, utoaji mimba, utekaji watoto, wizi, ushoga na usagaji.

Ukeketaji wa kimwili ni ukatili ambao wamekuwa wakifanyiwa baadhi ya wanawake na watoto wa kike katika jamii kadhaa nchini huku ukitajwa kama hatari kwa afya na kisaikolojia kwa wahusika.

Padri Kamugisha alisema hayo hivi karibuni wakati akitoa Sakramenti za Ubatizo na Komunio ya Kwanza kwa waamini zaidi ya 70, katika Misa Takatifu iliyofanyika katika Senta za Sirari na Pemba za Kigango cha Nyabitocho parokiani Sirari.

“Tumefikia hatua hatuwezi kumaliza wiki bila kusikia tukio mojawapo kati ya hayo, hivyo inatubidi tusali kumuomba Mungu aweze kuingilia kati maana zamani watu ndio walikuwa wanaogopa fisi na samba, lakini sasa mwanadamu amegeuka kuwa chui na simba na anaogopwa sana; ni heri kupita ndani ya hifadhi ukakutana na wanyama wakali kuliko mwanadamu maana amekuwa mwovu zaidi,” amesema.

Hata hivyo, paroko huyo aliwapongeza waamini wa eneo hilo kwa kuanza kubadili mtazamo mintarafu suala la kuwafanyia sherehe watoto wao wanapopokea sakramenti mbalimbali ndani ya Kanisa kama Ubatizo, Komuniyo na Kipaimara badala ya kuwafanyia sherehe wakati wa ukeketaji ambao ni ukatili wa kijinsia.

“Niniwapongeza kwa moyo wa dhati kabisa kutokana na mabadiliko ninayoyaona maana zile sherehe mlizokuwa mnazifanya wakati wa ‘salo’ (ukeketaji) sasa zihamishieni kanisani wakeketeni watoto kiimani kama mlivyofanya sasa,” amesema Padri Kamugisha.

Mmoja wa waamini waliopokea sakramenti katika tukio hilo, Anastazia Joseph alisema anamshukuru Mungu kwa kumfikisha katika hatua hiyo aliyoitamani kwa muda mrefu.

Alimshukuru pia Padri Kamugisha kwa kukubali kuwapatia sakramenti katika misa iliyofanyika katika kigangoni Nyabitocho katika Parokia ya Sirari.

Nao wasimamizi wa watoto hao na viaana waliopata sakramenti wameahidi kuwalea watoto katika misingi inayompendeza Mungu ikiwa ni pamoja na kuwatembelea mara kwa mara na kushirikiana nao katika shughuli mbalimbali za kiimani.

Veronica Modest,Sirari.

MAPADRI MSIONE AIBU KUKEMEA VITENDO VYA UKATILI KWA WATOTO-ASK MSONGANZILA

Askofu wa Jimbo Katoliki la Musoma Michael Msonganzila amewataka mapadri kuhakikisha hawaoni aibu kukemea vitendo vyovyote vinavyoonyesha udhalilishaji kwa watoto lakini pia kuongoza kwa kutokujificha ,bali watoe sauti kushuhudia utumishi wao kama Kristo alivyofanya.

Askofu Msonganzila ameyasema hayo wakati wa homilia Takatifu ya kutoa daraja Takatifu la Upadri kwa padri mpya wa Jimbo hilo Padri Zedekia Mwinura ,katika Parokia ya Mwisenge Jimboni humo,ambapo amesema padre Zedekia anapata Daraja hilo wakati kanisa linakubwa na kashfa mbalimbali za kuharibu watoto sambamba na kuharibu mazingira mazuri ya watoto.

“Ninapokupadrisha katika mazingira haya tataishi hakikisha unasimama imara katika kumshuhudia Kristo,ulimwengu unakubwa na kasoro nyingi za rushwa ,mauaji,kutokuwajibika manyanyaso ,na wakati mwingine inakatisha tamaa katika maisha yetu ,ila wajibu wetu una bakia palepale kuwa wewe ni kuhani,mchungaji, kayainjilishe maizngine hayo hivyo usione aibu kuyakemea na toa sauti ya kinabii”amesema Askofu Msonganzila.

Askofu Msonganzila amewataka kuhakikisha wanatoa mafundisho yanayozungumzia umuhimu wa kumlinda mtoto,katika mazingira yote ili kuhakikisha wanatimiza ndoto zao kwa kuwa Kanisa linalokuwa ni lazima liwe na watoto na watoto ndio mapadri,wazazi na viongozi wa baadae.

Akitoa neno la shukurani mbele ya Askofu Msonagnzila , Padri Zedekia Mwinura amemshukuru Askofu wa Jimbo la Musoma Michael Msonganzila kwa kukubali kumpatia daraja Takatifu la Upadri kwani lengo lake la kumtumikia Mungu kupitia Upadri limetimia na ilikuwa ni nia yake uya siku nyingi,na zaidi amemuahidi kuhaikikisha anayatekeleza yale yote aliyojifunza juu ya imani ya Kanisa Katoliki.

Padri Zedekia amewashukuru wote walioshiriki katika kuhakikisha siku yake ya kupewa daraja Takatifu la upadri inafika ,akiwa na afya njema kabisa lakini zaidi akiwa amejiandaa vema kuanza kukabiiliana na Utume mpya wa kuchunga kondoo wa Bwana popote atakapopangiwa.

Amewashukuru sana wazazi ,ndugu na jamaa zake kwa kukubali yeye apewe daraja hilo Takatifu licha ya changamoto za hapa na pale lakini anamshukuru Mungu changamoto hizo aliweza kuzivuka na hatimaye kufanikiwa kupokea daraja hilo Takatifu,na zaidi amewashukuru mapadri wa jimbo hilo kwa kumtia moyo pale alipoonekana kukata tamaa.

Veronica Modest,Musoma. Slideshow

The Road to Sainthood: Julius K. Nyerere

Sainthood. Tanzania's first president, a teacher cum politician, is held in high esteem among his countrymen. But will he become a saint?

Bishop Michael Msonganzila invites everyone across the diocese to join together in Praying for his Sainthood to be.

New Releases